Haur literaturaren hainbat ipuin harilkatuz istorio bat kontatzen da musikaz eta dantzaz lagundurik. Haurren irakurzaletasuna eta liburuekiko zirrara bultzatzeko ipuinak kontatzen dira liburuaren euskarri fisikoaz lagundurik, aldi berean ilustrazioek kontakizuna apaindu eta haurraren iruditeria kitzika dezaten. Emanaldi osoan zehar kantuek eta dantzek berebiziko garrantzia dute, haurrak entzuten dituen istorioak gorputz adierazpenaren eta kantuaren bidez senti ditzan. Ipuin kontalaria, musika tresna desberdinez baliatzen da emanaldian zehar, ipuin, kantu eta dantza bakoitzari egokitzen zaion tresna erabiliz.

Emanaldien iraupena: Ordubete inguru